**الدنيا ليل ونهار** بقلم محمدامام**

مجلة عشـــاق الشعـــر الإلكترونية (ممدوح حنفي)

الدنيا ليل ونهار
ـــــــــــــــــــــ

يلِّي شايفها ليل

الدنيا ليل ونهار

مهما يطول الليل

حتماً حييجي نهار

اصْبر وقول يا ليل

والله الزمان دوّار

الدنيا ليل ونهار

امسح بإيدك دمعتك

وارسم خطاوي سِكِّتك

عيش الحياه قول كلمتك

عمر الدموع مبْتِطفي نار

الدنيا ليل ونهار

لو يوم يموت منَّك أمل

علشان تعيش اخْلَق أمل

ربك مُعين عايز عمل

لو تاه مدار يدِّيك مدار

الدنيا ليل ونهار

لَمَّا الأمل يبعد بعيد

ابدأ وحاول من جديد

بالصبر راح توْصل أكيد

وكون عنيد دا الليل جبَّار

الدنيا ليل ونهار

اسعَى وسابق خطوتك

إيَّاك تفارق غِنوتك

حِلْمك أسير فين حِكْمتك

خلِّّيك جرئ وخُدْ قرار

الدنيا ليل ونهار
.................

محمدامام
ــــــــــــــ

الشاعر/محمدامام

كاتب · ‏3,338‏ إعجابًا