مجلة عشـــاق الشعـــر الإلكترونية (ممدوح حنفي)
(( اتكلم بصراحه ))
كلمات /محمد السعيد
*******************
اتكلم بصراحه حاسس بحب ناحيتي ولا مفيش
اتكلم بصراحه وقوللي إيه اللي فقلبك وماتخبيش
ياريت تصارحني زي ماكنت صريح معاك
من حقي أعرف قبل ما ابني أحلامي بهواك
ولا عايزني أفضل عمري اتمناك
وانت معايا مش هتعيش
قول اتكلم إيه يمنعك
يمكن الحب بعدك اطوله
صدقني من قلبي هسمعك
مهما كان اللي انت تقوله
اللي حاسه مش معايا
ولا يفرق معاك هوايا
خللي الشك يبقى له نهايه
وقوللي إيه جواك
ياريت تصارحني زي ماكنت صريح معاك
من حقي اعرف قبل ما ابني احلامي بهواك
ولا عايزني افضل عمري اتمناك
وانت معايا مش هتعيش
نظرة عينيك بتخبي كلام
يمكن يكون أيوا في صالحنا
ياريتنا نرتاح م الاوهام
أحسن مانفضل زي ماحنا
اللي حاسه مش معايا
ولا يفرق معاك هوايا
خللي الشك يبقى له نهايه
وقوللي إيه جواك
ياريت تصارحني زي ماكنت صريح معاك
من حقي اعرف قبل ما ابني احلامي بهواك
ولا عايزني افضل عمري اتمناك
وانت معايا مش هتعيش
ساحة النقاش