مجلة عشـــاق الشعـــر الإلكترونية (ممدوح حنفي)
الأتواب
،..................،،،،.................،
توب الغدر صبح ألوان
توب الغدر صبح كاروهات
سادة ومنقوش منه كمان
توب الغدر صبح مقاسات
فصل والبس يا إنسان
دا الأتواب كلها حركات
ياما حتلبس ياغلبان
أصل الغدر مالوش أوقات
أيوة الغدر فكل زمان
وكمان فيه غدر مناسبات
....-..........-..........-..............
توب الغدر دا تمنه رخيص
تلقاه مرطرط في الأسواق
لكن توب الأصل نفيس
غالي وتمنه صحيح حراق
فيه توب نادر ماتلاقيهوش
شاحح قوي واسمه الأخلاق
لكن فيه توب حلق حوش
تلقاه ع ال لرصفة في بولاق
فيه أتواب تلاقيها ببلاش
أتواب أسعارها تعبانة
أتواب سكة ماتشتريهاش
خسة وضاعة ندالة خيانة
فيه أتواب مخصوص معمولة
توبي أنا مثلا اسمه رجولة
هشام الدشناوى
#الأتواب
ساحة النقاش