ليه كل مانتمناه...بقلـــــــم الشاعر: عــــادل الشـــهـــابى

مجلة عشاق الشعر الإلكترونية. .ممدوح حنفي

ليه كل حاجه نتمناها بتكون بعيده علينا .....

نجرى وراها لكن مش بتطولها إدينا ....

يا دوب بس ممكن نشوفها بعنينا ....

ليه كل اللى بنتمناه منحققهوش ....

أحنا عايشين مع ناس ولا مع وحوش ....

ولا مع أسود عاوزه تعبى الكروش ....

لازم نكون شىء تانى .....

نتغير علشان فى يوم ما نعانى ....

وإن حتى قالوا عنى أنى بقيت أنانى ...
بطلنا نفكر بطلنا نحلم بالخير .....
علشان كل حلم نحلمه من بين إدينا يطير ....
أحلام وعلينا أتجرمت .....
نقول نحلم يقولوا لا أتحرمت ....
عايش كده ما بين الناس ...
تايهه ضايع وبدون أحساس ....
خلونى زى البيت اللى ملوش أساس ...
ويخلوك دايما راكبك الوسواس ...
معقوله أنت تحلم وتعيش ؟....
أمال مين يقول هات و يردوا لاء مفيش ...
تتمنى لكن مش هتطول ...
ولو عاجبك دى حياتك كده على طول ....
لازم تكون عايش ومش عايش ....
وطول عمرك تكافح على المعايش ...
لازم تتمنى وماتلقاش ...
وحياتك تروح كده ببلاش ....