مجلة عشـــاق الشعـــر الإلكترونية (ممدوح حنفي)
مـتـاهــات
دنيا وفيها كتير متاهات ....
وناس راسها مالها الحكايات ....
والضمير عندها خلاص أهو مات ...
دنيا وقالوا عليها غروره ...
مش كل الناس موجوده فى الصوره ..
أوعى فى يوم تآمن لها ...
وما يغركش ضحكت سنها ...
لو أبتسمت خاف منها ...
دنيا ومش راسيه على حال ...
ودوام الحال فيها من المُحال ....
معاها دايما تعمل حساب ....
وأبعد عن الحاقد والكداب ...
أقفل بابك عليك .....
وأعرف أن اللى تحك جلدك هى إديك ...
سيبك من اللى كلامه معسول ...
مهما يألف حكايات ويقول ...
من بره بلاش تغرك الهدوم ....
تآمن وبعدها تكون مهموم ....
دى دنيا ومش سويه ....
ومفيهاش طعم الحنيه ....
تسلم عليك تكبلك ....
ولسابع أرض تنزلك ....
بلاش تهتم أوى بيها ...
لا تفرحك ولا أنت تبكيها ...
دنيا ومنك بنحاااازر ...
ولغدرك يا دنيا كمان فاكر ....
بقلــــــم: عــــادل الشـــــهـــابى
ساحة النقاش