مجلة عشـــاق الشعـــر الإلكترونية (ممدوح حنفي)
الحب وحلاوته
عاوز أكتب عن الحب وحلاوته .....
وأوصف الحبيب وشقوته ....
عاوزكم تعرفوا مدى غلاوته ...
الحب مفيش كلام يوفيه ...
ولا يقدر يحدد معانيه ....
الحب أبلغ من أى كلام يتقال عليه ...
هو الأمان هو الفرحه اللى تشوفها فى عنيه ...
هو اللى يؤمر ونقوله سامعاً وطاعه يا بيه ...
الحب مالوش لاشكل ولا لون ....
الحب هو اللى بيطير النوم من الجفون ...
الحب هو العقل وكمان هو الجنون ....
مين قال أن الحب ممكن يكون عذاب ...
لو كان حب صادق بين الاحباب ...
عمرك ما تعيش لحظه عتاب ....
الحب يا ناس هو السلطان ...
ملوش سن ولا شكل ولا عنوان ...
ولا يتقيد بأى مكان ...
بالحب هتشوف الدنيا حلوه وجميله ...
وبيه هيتعمل أحلى عيله ...
أصله مش مجرد حروف ....
وروتين بس وشىء مألوف ...
ده محتاجله ملايين مش بس ألوف ...
يالى مش عارف الحب أنزل وأسأل عليه ...
مش أى حد تسأله لا أسأل اللى سهرت عنيه ..
هيقولك أنه بالحب مسك النجوم بأديه ...
وأن المستحيل مقدرش كمان عليه ...
أصل الحب يابنى له سحر عجيب ....
للعاشقين هو ليهم أفضل طبيب ...
وهو اللى بيجمع الحبيب بالحبيب ...
الله علـــــــــى الحــــــــــــــــب ....
بقلــــــم: عــــــادل الشـــــــهـــابى
ساحة النقاش