مجلة عشـــاق الشعـــر الإلكترونية (ممدوح حنفي)
¤(حياه غلبان )¤
خرج الصبح من بيته
نزل السوق يجيب خضار
لاقى ناس معندهاش أخلاق
سوق زحمه فيه ناس كتير
والكل جاى ياخد طلباته
يلاق حسين ماسك فى سمير
علشان بيبيع عنه كتير
والله الرزق على الرزاق
وإزاى سمير يسيب حقه
جرى بسرعه جاب أهله وناسه
وكل واحد شايل فاسه
قامت خناقه بين العلتين
فى قلب السوق بين الناس
عم سمير جرى بالفاس على الحاج حسين
عم حسين طلع رشاش
وضرب بين الناس
موت بيه ٤ غلابه كانو ماشين
وبدل ما يرجعوا بالخضار
راجعو لبيوتهم مقتولين
السوق أتلم من كتر الدم
وسمعت صريخ وصوات وأهات
خلاص الغلبان بسبابهم مات
طب ذنبهم أيه
علشان طمعهم فى الفلوس
يتخنقو ويموتوفى النفوس
وأخرتها أيه هتروح على فين
قامت البلد على إيد بعض
عايزين يخدو حق الاموات
ولعو ف البيت وكمان فى الغيط
وفجرو مستودع غاز
قامت نار وخراب ودمار
ومحدش عارف يطلع من بيته
من كتر الضرب بقت إعصار
يا راجل ملعون أم الفلوس
اللى بسببها نقتل نفوس
وتخلينا على بعض ندوس
عم حسين هرب من البلد وساب الدار
وبعمله عاش أهل البلد فى عذاب ومرار
لو كل واحد يعرف إنه
رزقه موجود بين الارزاق
عارفين حصل كل دا ليه
علشان ضاعت منا الاخلاق
¤¤¤¤¤¤¤¤¤¤¤¤¤¤¤¤¤¤
بقلم
#مبروك_علوه
ساحة النقاش