مجلة عشـــاق الشعـــر الإلكترونية (ممدوح حنفي)
((( ربي عزك ياوطنى )))
ربي عزك ياوطنى بحكم يهز الجبال
وجيش يزلزل لا تحرك يمين وشمال
ربي عزك بشعب لا وعد صال وجال
إنت الوطن و لكل مابيك إجلال
تفداك الروح يا وطن وأبنائك رجال
أمرنا ياوطن حنا نزيل وديان و تلال
أرواحنا رخيصة لا شيخنا أمر و قال
ما غمنا غزاة يعدون من الأنذال
ضراغمنا ياوطن على عدى زلزال
يهزون الأرض ويزولون السما لو تنزال
بساطرهم على البسيطة أقرب مثال
وجنحانهم بالسما تبيد جل الضلال
يابو فهد أمرنا قسم بالعظيم المتعال
لا يشهد الكون بفعلنا بكيد المحتال
دعاة البهت أتباع المجوس الأشبال
يابوفهد ننشدك نشيل عنك الأحمال
شعبك ينتخيك ليتك تفتحله المجال
الوطن عزنا وهو كنزنا وراس المال
شبعنا ترفيه وراحة تحت الظلال
نبي نرد للوطن جميله و نريح البال
يا بوفهد حنا جنودك والسيف سلال
أشر بيمينك نلبي الندا لأجل النزال
السعودية عرضنا و الشرف بالقتال
لا راحت الروح فداء الوطن كمال
الشهادة فخر ما يطالها كل زلال
الشهادة لأجل الوطن وسام للأنجال
يجهله كل جاهل خاين و جوال
مايعرفه إلا من زين القول بالأفعال
صائغ القوافي الشاعر
فهد بن عبدالله الصويغ
31-5-2015
ساحة النقاش