مجلة عشـــاق الشعـــر الإلكترونية (ممدوح حنفي)
__ ( أقولك إيه ) ___
كلمات / محمد السعيد
*******************
طول الوقت ده كله وجرحك بتعانيه
وتوريني إبتسامه والحزن بتداريه
طب عايزني أقولك إيه
أفرح بللي انت فيه
شايل ده كله في قلبك
ولا عايزني أحس بيه
إيدي في إيدك تعالى
وانسى حبيبي الجراح
طول مانت على دي الحاله
صعب حبيبي ترتاح
وانت قلبك لماح
وعارف اللي ليه
طب عايزني أقولك إيه
أفرح بللي انت فيه
شايل ده كله في قلبك
ولا عايزني أحس بيه
ده وقت أكون وياك
أداوي جرح فيك
حقك مانا بهواك
ولازم اخاف عليك
ومين هيحس بيك
غير قلب غالي عليه
طب عايزني أقولك إيه
أفرح بللي انت فيه
شايل ده كله في قلبك
ولا عايزني أحس بيه
ساحة النقاش