مجلة عشـــاق الشعـــر الإلكترونية (ممدوح حنفي)
الكاتبة والشاعرة رشا محمود عبد العزيز
غدربي صاحبي وقولت خلاص
مات فيكي يا دنيا الاخلاص .
غدربي صاحبي وباعني رخيص
واعمل ايه دا زمن خسيس .
كنت بقسم اللقمه معاه .
وكنت شايل عنه اساه .
صاحبي الي كان فرحه فرحي .
دلوقتي بيفرح لجرحي ..
واه يا دنيا منك اه ..
غدربي صاحبي ومني تاه .
طعني ف قلبي وقولت الآه .
تاه في دنيا غداره ..المكسب فيها خساره
تبعني يا صاحبي عشان منصب
وايه يا صاحبي راح تكسب .
دا الدنيا بيك راح تلعب .
تعالي ليه يا صاحبي وفوق
دا للدنيا يوم تحت ويوم فوق
وخدها مني يا صاحبي نصيحه .
لا منصب ولا جاه علي فكره
راح ينفع دنيا ولا أخره
وليه يا صاحبي تخون العشره
ويموت ف قلبك الاخلاص ..
دا انت يا صاحبي كنت عندي
اغلي واعز الناس ..
مت يا صاحبي ورحت بلاش .
لدنيا يا صاحبي ما تسواش
وااااااااه يا صاحبي .
بقيت دلوقتي في ذمة ربك .
انا بدعيلك يغفر ذنبك .
وااااااااااه يا صاحبي
بقلم / رشا محمود عبدالعزيز
ساحة النقاش