مجلة عشـــاق الشعـــر الإلكترونية (ممدوح حنفي)
نصبت الصوان يا امه .
نصبت الصوان يا امه .
نصبت الصوان آخد عزاكي.
واه يا رتني مت معاكي .
ولا افارقش حضنك يا امه.
والف اه واه من فراقك يا امه
حبك في قلبي زاد يا امه
واحشني من حضنك ضمه .
فراقك يا امه علي عنيه
ضاقت علي قلبي الدنيا .
نصبت الصوان وانا قلبي حزين.
ببكي ودمعي ع الخدين .
فوتيني يا امه وروحتي فين
ماتت في قلبي كل امالي
عايش وحيد انا في زماني .
نصبت الصوان وعليته.
واه يا امه يا ريته .
صواني انا ولا خليته .
كان نفسي يا امه اهنيكي
وبروحي يا امه افديكي
وللرسول اوديكي
واشيلك يا امه واطوف بيكي .
نصبت الصوان ليكي يا غاليه
وخدت عزاكي باديه .
وباقي ايه تاني ليه .
ف دنيا آسيا وغداره
متي يا امه ويا خساره
كان نفسي عمري اعيشه وياكي
نصبت الصوان انا خلاص
واتهد بيتنا م الاساس.
سبتيني يا امه في دنيا زحمه .
يا امه بدعيلك انا بالرحمه .
ويدخلك ربي جناته .
بقلم رشا محمود عبدالعزيز
ساحة النقاش