مجلة عشـــاق الشعـــر الإلكترونية (ممدوح حنفي)
ليه يابشر ؟؟
( دعوة للإنتباه )
******************
ليه يابشر ؟؟
بنقطع الشجر !!!
وبندوس علي الورود !!!
وبنقتل القمر !!!
ليه يا بشر ليه ؟؟
ليه كل قلب نعذبه
وإحنا في إيدينا هناه ؟؟
ليه كل دمع نكَدبه
لو مظلوم يوم بكاه ؟؟
وأما تدور الدنيا بينا
وتبات الدمعه في عنينا
نفوق ونعرف ايه هو
( معنى الحياة !!! )
ليه يا بشر ليه ؟؟
ليه لما نشوف غريق
مبنمدولش طوق النجاة ؟؟
ليه بس وقت الضيق
بنفتكر ( الله ) في عُلاه ؟؟
وأما يموت مننا غالي
ونبكي عليه طول الليالي
نفوق ونعرف ايه هو
( معنى الحياة !!! )
ليه يا بشر ليه ؟؟
***************
ليه يابشر ؟؟
( دعوة للإنتباه )
بقلم الشاعر يوسف الحمله
29/5/2015
ساحة النقاش