حدوته مجروجة...بقلم الشاعرة \ ابتسام عوض حسن

مجلة عشاق الشعر الإلكترونية. .ممدوح حنفي

بنسأل على الأحلام

وفين راحت

ليه يا دنيا 

تاخدينا لجراحك

زمن مقلوب

زمن معدول

لكن مفيش

أمل ضاحك

بنتعايق بأوهامنا
وصوت مغلوب
على أمره
يقول
مقتولة أحلامنا
سنين الغربه 
بتحرمنا
من اللي كان
من اللي جاي
ويا دنيا
بكيت عمري
وقلت ده
مكتوب
وده قدري
ساعات بحبي 
وساعات الخطوة 
ما اقدرشي
وتاه صبري
وماشيه 
بتخبط 
حيطان وبيبان
تقولي ارجعي 
احسن
ماليكي مكان
يادنيا
حبيبة وعجيبة
عايشة بناسي 
وغريبة
جرحي فيكي 
مالوش نهاية
ولا عنوان
أتوه في الزحمة
ومالي مكان
ياناس 
قولولها إهدي
بقى شويه
ماعدش القلب 
يستحمل 
بكى وأحزان
أبوس إيدك
تراعيني ولو
لحظة
وهو العمر 
كام لحظة
ويبقى العمر
كان ياماكان