آلشام فى قلبى...بقلم الشاعر / عصام غريب

مجلة عشاق الشعر الإلكترونية. .ممدوح حنفي

تعيش سوريا

جوه آلقلب

جمال آلشام وآلطيبه

وإحساس لناس بتحب

****

كانت آيام جميله

ومكنش غير آلحب

وآلصوره كانت حلوه

لحد يوم آلكرب
قالو تغير وثوره
طلعت فى آﻷخر حرب
****
ﻷ مش حرب
دى خيانه وكدب
آوعى تقول لى 
دى حرب طوائف
طول عمرنا عايشين
مع بعض
****
لما آﻷخ بيقتل آخوه
وينكر خير لبلاده وآبوه
يبقى ناقصنا 
وفاء آلكلب
****
وآما آلطفل 
يموت مدفون
وعلى دماغو
بيوت تتهد
وآمه تموت
برصاصه ف آلقلب
وآما آلطفل
يموت م آلبرد
ويفضل مرمى
وسط آلتلج
يبقى ناقصنا
وفاء آلكلب
****
ولما نخرب 
بيتنا بآيدنا
بعد سعاده
وفرحة قلب
عشان فلوس
جيانا م آلغرب
يبقى ناقصنا
وفاء آلكلب
****
يارب سلم
كل بلادنا
وترجعنا لزمن
آلحب
يارب فرج
عنا آلكرب