مجلة عشـــاق الشعـــر الإلكترونية (ممدوح حنفي)
........... أنطق أقولك إيه ..........
أنطق أقولك إيه
لو أقول ماتسمعنيش
وبإيه تفيد أحلام
من غيرها
أقوى هاعيش
بالقلب من غير حب
كل اللى فيه مواجيع
أو وهم لو يرضى
هاخسر وأشقى واضيع
أنطق أقولك إيه
مش بس لو يعنى
كان مرة تسمعنى
أنا كنت أحكيلك
مين حبه لوعنى
دنا عشت بالأيام
أحفظ ف أحلى كلام
وأقول ح اقولهولك
بس إنت يا خسارة
دمرت فيا غرام
وفضلت لغرورك
بالقلب من غير حب
كل اللى فيه مواجيع
او وهم لو يرضى
هاخسر وأشقى واضيع
وانطق أقولك إيه
وإنت اللى ليا تصد
لو فرصة جاتلى أبوح
ألاقيك بتوجد حد
# كرم شحات #
ساحة النقاش