مجلة عشـــاق الشعـــر الإلكترونية (ممدوح حنفي)
عاوزك حقيقه
حبيبتى أمتى هشوفك حقيقه قدامى ....
مش يا حبيبتى بس أشوفك فى منامى ..
أيدى مشتاقه للمسة إديك ....
وعنيه قتلها الشوق لعنيك ....
عاوزك حقيقه قدامى ولحضنى أضمك ...
وفى همس الشفايف تسمعينى وأنا بقولك ...
إنى مشتاق وبعشقك وبحبك ...
أيوه حبك ملك كيانى ...
وسيطر على كل وجدانى ...
وغير حُبك مليش تانى ...
عاوزك حقيقه والمسك بأديه ...
وأقولك أنك فرحه أيامى اللى جايه ..
ونعيش لحظات يا حبيبتى أيام ورديه ..
تكونى أنتى لحنى فى أجمل أغنيه ..
عاوز أسمع أنا صوتك ...
كفانى بقا يا حبيبتى سكوتك ...
حبيبتى أتواعدنا على اللقاء ...
علشان نطفى يا حبيبتى نار الأشواق ..
حبيبتى كفايه فراق ....
مشتاق إنك تضمينى ..
وفى حضنك انسى مر سنينى ...
يا فرحه أستنتها كتير تجينى ...
حبيبتى أمتى أشوفك حقيقه قدامى ..
مش بس حبيبتى أشوفك فى منامى ..
بقلـــــم: عــــــادل الشـــــــهـــابى
ساحة النقاش