مجلة عشـــاق الشعـــر الإلكترونية (ممدوح حنفي)
(وحشتينى)
يا اجمل حب فى حياتى
يا اكبر وهم ف سنينى
وحشتينى
يا احلى صوره مرسومه
يا اجمل ضحكه مهمومه
يا مجهوله يا معلومه
يانور فتح فى ايامى
شعاع عتمه قصاد عينى
وحشتينى
يا معدوله يا معكوسه
يا مبسوطه يا مفروسه
يا محظوظه يا منحوسه
يا حره وانتى محبوسه
بتتمايلى وتتخايلى
وتتعاجبى وبتواجبى
فى يوم حفله لتأبينى
وحشتينى
يا طفله بس شعرها شاب
يا اصدق حق جوه سراب
يا اعزب لحن قال بعذاب
يا غنوه طالعه من غير صوت
يا شجرة سنط تطرح توت
يا بحر شراقى يروينى
وحشتينى
يا فرحانه يا زعﻻنه
يا انشط واحده كسﻻنه
يا راسمه الضحكه قدامنا
ومن جواكى مليانه
يا صخره بس من بره
لكن القلب انسانه
يا ساكنه بعيد
حقول واعيد
حبك كل يوم بيزيد
بقى ف دمى وتكوينى
وحشتينى
♡♡♡♡♡♡♡♡♡♡♡♡♡♡
♥♥♥♥♥♥♥♥♥♥♥♥♥♥
♡♡♡♡♡♡♡♡♡♡♡♡♡♡
محمود ناصر
ساحة النقاش