مجلة عشـــاق الشعـــر الإلكترونية (ممدوح حنفي)
عبدالله منصور
خمسة فرفشة
هجاء ساخر :
______________
الجدى قال ياخروف ..من كتر لبس الصوف
ريحتك ماهيش هيه
باين عليك عيان.........ماشى كدا كسلان
بتهز فى اللية !
قاله الخروف : مفضوح وبديل اذعر بوضوح
يا نيفة مشوية ؟
ايش فهمك فى الضانى؟ ..احسن لك انسانى
ايش اوصلك ليه
تمنى الفين جنية ......شوف انت سعرك ايه
بالكاد .. كام مية
الجدى قاله : بس ياكبش ..ماتمأمأش دبش
اما انت خيبتك قوية !
ليه خدت كلامى جد؟ .. وشتمت ؟..طيب سد
بلاش نهزر شوية ؟!
دا الهم طايلنى وطايلك..والدبح جايلى وجايلك
فى العيد يا عينيه
* زجل ..د . عبدالله منصور _شباس عمير
ساحة النقاش