مجلة عشـــاق الشعـــر الإلكترونية (ممدوح حنفي)
كفاية يا دنيا وبس سيبيني ... كفاية اللي شوفته في ايامي وسنيني ... قولي للحزن ينساني وخلي الفرح شوية يجيني
يا دنيا لفي ودوري بينا ... بس زي ما بتخدي مننا ادينا ... اخدتي منا كتير يا دنيا وبجد خلاص احنا استوينا
العيب مش فيكي يا دنيا وعارف ... ما الكل عايش فيكي وخايف
ازمة نفوس مش فلوس ... كل واحد جواه محبوس ... حابس نفسه في نفسه يا دنيا ... من كتر ما اتعلم فيكي دروس ... وياريته بس بيتعلم يدور يدور ويشرب من نفس الكؤوس
لحد امتى حنكتب احزان ؟ ... وامتى بس يتغير الانسان ؟ ... حنفضل نقول والله زمان قول للزمان ارجع يازمان
ملناش غيرك يارب ارحمنا برحمتك يا رحمن
( مدحت سلام )
ساحة النقاش