مجلة عشـــاق الشعـــر الإلكترونية (ممدوح حنفي)
مكتوب
مكتوب عليا الوجع
يا دنيتي انسيني
قلبي خلاص إتنزع
مليت بكى عيني
عمرك مارويتي ضلوعي
ولا حتى فردتي قلوعي
ولا بر يرسيني
يا اللي رميتوا الودع
وشوشته ما يوم نفع
وجروح تلاقيني
وكبرت حزني كبر
لملمت شنطة سفر
مكتوب على جبيني
أعيش غريب بينكم
ضاع الطريق منكم
يا غربة دفيني
وازرع بذور الود
ألاقى مر يهد
وكاساته تكويني
عجبي عليك يا زمن
شايل زكايب محن
وكتير بتسقيني
إبعد بعيد ياضباب
تقفلي ليه مية باب
واحضن فى قلبي سراب
ياجروحي سامحيني
يا جروحي سامحيني
بقلم الشاعرة المجهولة ابتسام عوض حسن
ساحة النقاش