مجلة عشـــاق الشعـــر الإلكترونية (ممدوح حنفي)
دوقت الشوق وكإني أول مره أدوقه
علشان الحب بقى المره دي حقيقي بجد
عينيا سرحوا في حبه ولا عايزين يفوقوا
فرحة قلبي بحبيبي دي مش مرت على حد
أخيرا عشت الحب اللي في خيالي
حب عايش فيه بإخلاص
حب أسهر فيه أحلى الليالي
واحس فيه بأغلى إحساس
طول ماحبيبي معايا
الدنيا بتضحكلي
والفرحه تأثر فيا
في ملامحي وشكلي
إحساس جميل كان نفسي يعيشه قلبي
ولما عاشه حسيته غير الأول
اللحظه لما بلاقي حبيبي جنبي
بتمنى دايما وقتي معاه يطول
طول ماحبيبي معايا
الدنيا بتضحكلي
والفرحه تأثر فيا
في ملامحي وشكلي
دوقت الشوق وكإني أول مره أدوقه
علشان الحب بقى المره دي حقيقي بجد
عينيا سرحوا في حبه ولا عايزين يفوقوا
فرحة قلبي بحبيبي دي مش مرت على حد
ساحة النقاش