دبدوبـــــــــــة التخينة ... بقلم / درية توكل

مجلة عشـــاق الشعـــر الإلكترونية (ممدوح حنفي)

دبدوبـــــــــــة التخينة درية توكل
اِشْ ... اِشْ ...دِبَّة تِخِينَة بِكِرْشْ
طَالْعَة تِدِبْ... نَازِلَة تِــــــــــــدِبْ
لابْسَة كَابْ و احْلَى تِشِـــــــــرْت
انا مُشْ قَـادْرَة يُوْم اتْصَــــــــوَرْ
ازَّاى دَبْدُوبَة بِتِــــــــــــــــــــدَّوَر
شِمَالْ .. يِمِين...اَوْ حتَّى اتْصًوَّرْ
ازَّاى دَبْدُوبَة بتِتْحَــــــــــــــــرَّكْ
اكَلِتْ شِبْعِتْ ...فِرْحِـْت...... نَطِّتْ
رَاحِـــــــــتِ...... انْكَسَــــــــــرِتْ
جِهْ الدُكْتُور و جَـــــــــــسِّ النَّبْضْ
قال العِّلّة فى تُقْلِ الـجْســـــــــــــمْ
لازِمْ يَا دَبْدُوبَة تِخِسِّــــــــــــــــى
تِنْسِى شُرْبِ الشَّاى و الشِّيبْسِى
انا مقْدَرْشِ اَنٍسْىَ الفَتـــــــــّـــــــة
و شاى معطّر حِلْو بِفَتْلَــــــــــــــة
ولمّا إدّاهَا الحُقنَة ارْتَاحِــــــــــتْ
هِدْيِتْ ، نِعْسِتْ ، حشلْمِتْ شَافِــــتْ
شافِتْ نَحْلَة فوق الزِّهْـــــــــــــــــرْ
اِتْمَايِلِتْ معَ زهــــــــرة وِغُصْــــــنْ
شافِتْ قطَّة حِلْوة رَشِيقَــــــــــــة
مِنْ عَ الْسُّور بتنط لِحِيــــــــــــــــــطَة
بعد ما فاقت راحِتْ غــــَـــــارِتْ
م النحلة و كمان م القطــــــــــة
قالتْ نِفْسِى انْقِصْ وَزْنِـــــــــــى
اتخلص من كرشى وتُقْلِــــــــــى
وامْشِى بِخِفَّة ... ذَى القُطَّــــــــة
و اطير برقة ذى النحــــــلــــــة
بين الزِّهْر و وبين الشــــجرة
كلام جميـــــــل يمكن يتْحَقَــــــقْ 
لو صِدْقِتْ دبدوبة الوَعْـــــــــــــد
و قِدْرِتْ يُوْم عَلى ضَبْطِ النَّفْـــس