مجلة عشـــاق الشعـــر الإلكترونية (ممدوح حنفي)
#الله
-----------------------
فى البدء كان لا شئ
إلا ظلام وعماء
بعدين خلقت النور
والعرش فوق الماء
خلقتهم من عدم
بعدين خلقت القلم
كتب القلم أقدار
كتب القلم أرزاق
كتب القلم أعمار
كتب القلم أسماء
كتب جميع لاشياء
كتب عليك رحمتك
وكمان كتب عدلك
كتب وقال نعمتك
ع الخلق من فضلك
وقلت كن فيكون
أصبح فيه خلق وكون
وبقت ملايكة وجان
وبشر كتير ألوان
بحار جبال وديان
وأنبيا وأديان
ونجوم وشمس وقمر
وطيور تطير ع الشجر
وناس كتير أحياء
وناس كتير أموات
وبكرا كله يموت
وتنطوى السموات
ما يبقى فىه ملكوت
ولا يبقى فيه أفلاك
الموت كمان حيموت
ولا يبقى حى إلاك
هشام الدشناوى
19/5/2015
#الله
ساحة النقاش