مجلة عشـــاق الشعـــر الإلكترونية (ممدوح حنفي)
بنت فى الشارع
حاجات فى الشارع الواحد شايفها بعنيه ...
ولد ماشى والبنت جانبه إيدها حاضنه إديه ...
ماشيه جريئه ومش مرعوبه ...
تقول فيه جواز أو حتى خطوبه ....
وإن سألتها ده مين ترد عليك بصعوبه ...
ده حبيبى اللى هيخطبنى ..
وطول عمره هيفضل جنبى ...
هو اللى هيسعد قلبى ...
الواد فى كلامه فنان ...
مفهمها أنه أنسان ...
وأن حبها فى قلبه منصان ...
يا خايبه حبيبك مين ....
يا ترى أهلك كمان عارفين ...
ولا هتصحى على شجن وآنين ...
وأنت يا عم الحبيب ...
ليه واقف وعامل ديب ..
ونظرتك فيها شىء مريب ...
أمتى هتروح لآهلها ..
وتطلب منهم يدها ...
وبس ساعتها ووقتها ...
من حق إيدك تحضن يدها ...
مال كلامى مش لادد عليكى ...
ومن إديه مش عاوزه تسيبى إديكى ..
بعدين راح تبكى عنيكى ...
وأنت ليه يابنى خيم عليك السكات ...
أكيد أنت كمان ليك أخوات ....
ومش عاوزهم يعيشوا نفس الحكايات ..
يا بنى كله سلف ودين ...
وفى وقت هينطلب منك سداد الدين ...
بقلـــــم: عــــــــادل الشــــــهـــابى
ساحة النقاش