مجلة عشـــاق الشعـــر الإلكترونية (ممدوح حنفي)
#شاعر_الوطن_آسر_فاروق_طرباي
مابحبش أشوفك زعلانة
مابحبش أشوفك زعلانة
يا حبيبتي ويا كل ما ليا
عايزك علي طول كده فرحانه
ياورود بتفتح حواليا
إبتسمي ودايما خليكي
متفائلة بقلبك وعنيكي
أكسري أحزانك بحنانك
من عيني قلبي يراعيكي
أتحدي الدنيا وخليها
ولا تسوي بكل اللي عليها
خلينا أنا وأنتي نعيش فيها
بالحب وننسي لمآسيها
أنا هنا في الدنيا عشان خاطرك
تستاهلي حناني وأنا أستاهلك
أسعد أيامك يا حياتي
وأتغلب علي لحظة حزنك
والكلمة الحلوة أقولها لك
وأحقق ف الدنيا آمالك
والصعب يسهل علي إيدي
لو هبكي يا حبيبتي بدالك
مش حابب أشوفك يوم تبكي
ولا تتألمي ولا يوم تشكي
ولا دمعة واحدة علي خدودك
طول ما أنا وياكي يا حبيبتي
وبعاهدك إني أفضل جنبك
وأبقي لك أقرب من قلبك
بس أنتي خليكي معايا
أنا فرحي نابع من فرحك
مابحبش أشوفك زعلانة
يا حبيبتي ويا كل ما ليا
عايزك علي طول كده فرحانه
ياورود بتفتح حواليا
ساحة النقاش