مجلة عشـــاق الشعـــر الإلكترونية (ممدوح حنفي)
(((جربى)))
حاولى تانى وجربى
متبعديش وﻻ تهربى
يا شمس مستنى شروقها
اوعى اوعى تغربى
هى كلمه من لسانى تبعدك؟
وتعودك على اﻵسيه؟
اشوف بعينى رقتك
متفرقه على البشر
قلبك حجر بس عليا
صدقينى دا موت بطييييييئ
والطريق
تاه من ايديا
اسمحيلى افكرك
بعمر كنا فيه سوا
انا وانتى والغرام
وقلوبنا سارحه ف الهوا
فاكره لما كات عينيا
فى عنيكى
لما قلت انك حياتى
ان عمرى كله ليكى
كانت الفرحه ف عيونك
تكفى دهر
كانت الضحكه ف شفايفك
تحللى اى صبر مر
وف ساعتها قلتى انى نبض قلبك
قلتى جهر
فيها ايه
لو كلمه طلعت من لسانى تجرحك
وانتى عارفه
ان كل اناث الكون ما تاخد مطرحك
وان قلبى
الف مره يموت لو لسانى يجرحك
صدقينى
لو جمعوا حب الرجال فى الكون
ووزنوه
وبكل ورده ف كل وادى
و زوقوه
حبك انتى جوه قلبى
اعلى الف الف مره
حب نبت فى قلب حر
لقلب حره
وانتى حره
اسمعينى
قبل ما ييجى يوم تتعذبى
سامحى ياللا وجربى
متبعديش وﻻ تهربى
يا شمس مستنى شروقها
اوعى اوعى تغربى
♡♡♡♡♡♡♡♡♡♡♡♡♡♡
☆☆☆☆☆☆☆☆☆☆☆☆☆☆
محمود ناصر
ساحة النقاش