مجلة عشـــاق الشعـــر الإلكترونية (ممدوح حنفي)
تنــازل
بقر إنى بتنازل ....
عن قلب خاين للحقد شايل ...
عن كلمة سوء اللسان ليها قايل ...
عن رغبه حرام القلب ليها مايل ...
عن حقوق يتيم أخاف أكون ليها واكل ...
عن ساعه أكون بادء فيها أنا بالمشاكل ..
بقر يا دنيا وبعلن أنا قرارى ...
بعلن لو هظلم حد أكون سجين دارى ...
وإن الشر ما يجيش أبدا فى أفكارى ...
وإن الخير له أبدا فى يوم ما أدارى ...
وأسعاد الناس هو اللى يشغل بالى ...
بتمنى يا دنيا وساعدينى ...
الخير للناس أقدمه بأيدى ...
ومعايا يا دنيا للفرح ليهم زيدى ...
بتمنى أكون بينهم يا دنيا محبوب ...
وأقدر فى يوم أسعد كل القلوب ...
بدعى يا رب وأسمعنى ...
إن يوم مفيش حاجه على حبايبى توجعنى ..
ولا أى شىء من جزورى تقلعنى ..
بدى وبطلب منك يا رب العالمين ...
ماشوفش حد يكون حزين ...
ولا حد تقهره السنين ...
بدعى يا رب وكلى أخلاص ...
إن الحب يكون بين الناس ..
ويكون بينهم هو الأساس ..
بدعى بناتنا يا رب تسترهم ...
وينوروا بيوت أزواجهم ...
ويكونوا موفقين يا رب فى حياتهم ...
والدنيا مع الأخره تبقى جنتهم ..
بقلــــــم: عــــــادل الشــــــهـــابى
ساحة النقاش