مجلة عشـــاق الشعـــر الإلكترونية (ممدوح حنفي)
" آآآآه من عشقك .. "
أنا اللي عشقك ياما صبرني
بس لإمتى .. أنا هافضل صابر
ليه أنا هُنت .. وإيه صغرنى
وليه ف دروبك دايماً حاير
يومي بيعدي .. وبا ستنى بكره
وبكره بييجي .. ماعندوش فكره
إني باعاني .. من قبل أواني
عايش آه .. لكن نكــــــــــــــــره
ودي حكايه .. بقالها زمان
حكاية مواطن .. المفروض .. إنسان
بيصحى يجري على قوت يومه
نفسه يلاقي .. خلاص لهمومه
نفسه يلاقي ف بلده .. مكـــــــــــــان
إمتى ها حس إن فيكي أنا عايش
موجود بجد .. ومش عالهامش
هو أنا ذنبي .. إني عشقتك
وإتربيت على عشقي لسيرتك
آآآآه .. لإمتى لدمعي أنا هافضل حايش
أشعار ... محمدعلي النقلي
ساحة النقاش