مجلة عشـــاق الشعـــر الإلكترونية (ممدوح حنفي)
..................... متـــــــــــــــــــــرددة ؟؟؟؟؟؟؟ ....................
متردده ؟ مع انى عاشق وحدتك
متردده ؟ مع انى بعشق ضحكتك
وشكوتك ورسمتك
حتى الشرود بفكرتك
وانا لسه بنظر للزمن
ولسه قابل شكــــــــــــــــــوتك
منا اصلى مجهول الهويه والكـلام
يمكن اكون نوع م الامل والاحتدام
اوحتى حلم بفكرتك للاحــــــترام
لكنى انسان مغترب
بين الجفى بن الالم
والمهــــــــــــــــــــــزله والالتزام
بغلط نعم بكدب نعم
مش كل احوالى نغم
يمكن اكون ابره لغم
لكنى بنهايه المطاف
معنى بنهـــــــــــــــــــايه الكلام
انا عاشق وقابلك بدون هوى
وامانظرت لكلمتك قلبى هوى
حسيت بانك للقلوب كل الدوا
واما بكون بوحدتى وقلبى انكوى
اول كلام بتذكرك
والحلم بيكــــــــــــــــى جه اوام
يمكن اكون كلى غلط
حتى قابلتك بالغلط
لكن هواكى مش غلط
لما بحبك من سكات او بالمنـــام
بحس انى كتير سعيد
وان هواكى كأنه عيـــد
وانا طفل لسه بيعشقك وباحتلام
وانتى لسه بتحلمى متردده
ولسه حبات الندى متسقطه
وانا لسه بعشق ضحتــك وبالتزام
متردده ومردده
والنفس بيكـــــــــــــــى باحتدام
ماتقولى للقلب اللى عاشق
بلاش هــــــــــــــــوى
وبلاش كلام عن الهوى
لكنى هعشق حلمــنا
وكأنى انا عشت الهنـــا
لو حتى كنتى بفكرتى جوه المنام
انا بكتفى وقت السحر اتذكرك
وانى برضــــــــــــــــه هفكرك
انى الحبيب رغـــــــــم البعاد
حتى ان رجعت وزمـــانى عاد
هكون بحبك نفس الميـــــعاد
وانتى لسه متردده حتى الممات
متردده؟؟؟؟؟؟؟
.............................. احمد عامر ............................
ننوه ان كل ماينشر حق فكرى مسجل بالهيئات المنوطه بذلك
ساحة النقاش