مجلة عشـــاق الشعـــر الإلكترونية (ممدوح حنفي)
مش حاتجوز
_________
انا واللة ياناس متغاظ
من عاداتنا فى الجواز
..اسراف فى مصاريف الجهاز
اشى شبكة ،واشى حفلة وربكة
..انا مافتكرش حاقول يا جواز
خمس اوض ياعريس يا بلاش
زان وقشرة مع ابلاكاش
،واوضة للطفل اللى ماجاش
وصالون مدهب ..بدهب فينو
..فينو اصلى عشان مايفضحوناش !
واربعين مفرش سرير
وعشر لحفة فيبر فى حرير
ماهو لازم اللى يشوفها يغير
..ما النساوين لازم تتكايد
، وكل زيادة . ولها تقدير !
واللا الحلل الوان واشكا ل
ايشى ستانليس ،وايشى تيفا ل
،وقزاز حرارى ..وسيراميك قا ل
،وصاج والمونيا وسكسونيا
مش للطبيخ !..دا عشان تتشا ل ؟!
وكاسات مدهب ...وكاسات سادة
اتنين وسبعين كاس وزيادة
ولا تستخدم...بس اهى عادة
يترصوا فى النيش منظرة
للفشخرة وقنزحة نسوان كيادة
وبوتجازات ..وشوايات وميكرويف
،ومكيفات ومراوح عشان الصيف
،وغسالات ومكانس لاجل التنضيف
، وسخانات ومولدات للكهربا..
،والفلوس جالها الوبا ...الطف يالطيف
وتلاجات وديب فريزر فيه خروف
،وهدوم شوفتيشى ..وهدوم صوف
دا غير بشاكير..وفوط بالوف
، وكام عربية تزف عزال
بميكروفونات ودى جيه و دفوف
وقاعة غالية للفرح اخر قيامة
،والتصوير..والكوافير..وحاجات يامة
كل دا وبرضو انت عرضة للملامة
دا يوم فرح دا ..واللا دا يوم القيامة ؟!
..كل دا خلانى ااقول :باى باى ياجواز ..الف سلامة
__________________________________
زجل للدكتور عبدالله منصور
ساحة النقاش