الله عليكى ...بقلم الشاعر / عادل الشهابي

مجلة عشاق الشعر الإلكترونية. .ممدوح حنفي

الله يا بنت عليكى .....

وياسلام على جمال عنيكى ....

جمالك ده يودى فى داهيه ....

وعيونك دبلانه وساهيه .....

ماشيه بترنى فى خلخالك ...

وسايقه قوى كده فى دلالك ...

خفى علينا بالراحه يا بنت مالك ...

ليكى سلمتلك أنا نفسى ...

عاوزك تسمعى بقى همسى ...
عيونى أنا مش عارفه تنام ...
من جمالك يا بدر التمام ...
سألت الناس أنا عليكى ....
علشان أجى وأطلب إديكى ...
دالونى على عنوان دارك ...
وهنوا قلبى اللى أختارك ....
علشان حبك وعرف مقدارك ....
مهرك أنا جايبه فى جيبى ...
والناس عرفوا أنك حبيبى ...
مهرك أنا جايبه فى إديه ...
يا نهر يا شلال من الحنيه ...
بحلم بيكى أنا يا أميره ...
أكون أنا وأنتى فى جزيره ...
جزيره تكون للعشاق ...
ولكل اللى لحبيبه مشتاق ...
نطفى فيها نار الأشواق ...
قلبك أنا ما هسبهوش ....
يا ملكه على كل العروش ...

وعيون حُسادك عنك أنا راح أحوش ..