مجلة عشـــاق الشعـــر الإلكترونية (ممدوح حنفي)
(ايوه ححلم)
الايام داخله ف عناد
جايه تجرح فى العباد
كل واحد خد كفايته
م الجروح ما حد يسلم
بس ححلم
انت عارف الحقيقه
مهما كان قلبى فى ديقه
والليالى عليا تقسى
واﻷيام فيا بتظلم
بردو ححلم
مهما تكبر امنياتى
يكبر اﻹيمان بذاتى
وابقى قادر ع التحدى
ابقى قادر انى احلم
ايوه ححلم
نفسى كل الدنيا تعرف
نفسى كل الخلق تعلم
ان قلبى لسه حى
لسه ممكن تانى يحلم
ايوه ححلم
ﻻزم احلم
☆☆☆☆☆☆☆☆☆☆☆☆☆☆
محمود ناصر
ساحة النقاش