مجلة عشـــاق الشعـــر الإلكترونية (ممدوح حنفي)
طبعك كدا
؛=-------=؛
هوانتي ليه طبعك كدا
عمالة فيا تمرجحي
في فرحتي متنكده
وبدمعتي بتفرحي
ما هو انتي لو كان ليكي قلب
كنتي خوفتي تجرحي
بس انتي دنيابنت كلب
غاوية فينا تدبحي
أجري وراكي تهربي
واديكي ضهري تضربي
وتحايلي فيا تطبطبي
وبعد ثانية تنطحي
وتزوري ودي وتطلبي
وتقومي فجأة تروحي
هوانتي ليه طبعك كدا
أنا كنت فاكرك صاحبتي
أتاريكي من شر العدا
بيطربك صوت أنتي
وشكوتي من دا لدا
وانتي السبب في بلوتي
وانتي اللي عاملة فيا دا
الود ودي أحرقك
وافك سحر الساحرة
بس أعمل ايه أنا باعشقك
رغم اني شايفك عاهرة
مش قادر أبدا اكرهك
حبك سلبني السيطرة
وانتي أكيد متأكدة
وعشان كدا ، طبعك كدا
هشام الدشناوي
#طبعك_كدا
13/5/2015
ساحة النقاش