مجلة عشـــاق الشعـــر الإلكترونية (ممدوح حنفي)
.................... اصل الحياة زى القوافى ......................
بعد ماكنت المبتدأ
اصبحت من علــــــــــم الخبر
اما الخبر ده فعل ماضى
نزل الجرايد وانتـــــــــــــــشر
والعمر راح على حب فاضى
والفكر منى اهو انتحــــــــــــر
والفعل اصبح ذكريات
اما الصفه قلبى انكســــــــــر
والاستعاره ان انا
بمكان مرير اومنـــــــــــــحـدر
ويشبهونى بان انا
عصفور ودايخ وانفـــــــــــــطر
اما الظروف ظرف الزمن
عدت سنين وانا بنتــــــــــحر
والظرف لما يكون مكان
بكون بقع من منـــــــــــــحدر
والكل قاعد مش هنا
والكل صامت منتــــــــــــــظر
انا هبقى ماضى من هدوء
ولا هقوم ويرددوا اهو انتـــصر
اما البلاغه بمشهدى
ان الجميع نشــــــــــر الخبر
ان النهارده موعــدى
كره الحياه راح انتــــــــــــحر
وبكلمه ليها حرف جر
سرقوا الحياة بالمختـــــــصر
والوزن كان من حرفتى
خليت حياتى كالمـــــــــــطر
تنزل بوادى تخضره
وتجمله يعلا الشــــــــــــجر
وانا حلمى لسه بكرره
حتى على ضوء القــــــــــمر
وحبيبى لسه بفكره
هى الخطايا تغتـــــــــــــــفر
اصل الحياة زى القوافى
محتاجه وزن ومختـــــــــــصر
ولو الحبيب لهوايا ناسى
وفكر انى بمنــــــــــــــــحدر
انا بقول يا ابو قلب قاسى
كم مره كنت بالخـــــــــــطر
وقاومت حتى بوحدتى
والقلب كان فيك انفــــــــطر
وباذن ربى وحــــدتى
اصبحت فوق كل البـــــــشر
واصل الحياه زى القوافى
محتاجه وزن ومختــــــــــصر
والمختصر انا مصر ام المؤمنين
ديما بجيشها بتنتــــــــــصر
................................. احمد عامر ...........................
ننوه ان ماينشر حق فكرى مسجل بالهيئات المنوطه بذلك
ساحة النقاش