مجلة عشـــاق الشعـــر الإلكترونية (ممدوح حنفي)
ما هى المرأة
بيقولوا أن المرأة نصف الدنيا .....
وأنا بقول لا هى كل الدنيا ....
هى الأم اللى تعبت وأرتحت أنا ....
هى الأم اللى حرمت نفسها وأديتنى الهنا ...
هى سهرت ترعانى وأنا أتهنيت بأحلامى ...
وهى الطبيبه اللى مخففه آلامى ..
وهى الأيد اللى ماسحه دموعى فى أحزانى ...
وهى اللى أختارت أسمى من بين كل الأسامى ..
وهى الأخت الجميله ...
ورده مزينه العيله ....
وهى الزوجه الوفيه ...
اللى للاولاد مربيه ...
وعلشانهم عن سعادتها مستغنيه ...
شوفنا المرأة فى كتير مجالات ...
شوفنا أول سيده قاده الطائرات ...
وفى ثوره 19 شاركت فى المظاهرات ..
وشوفناها مديره فى الشركات ..
إيه يفرقها بس عن الرجال ..
غير تكوين جسمانى وفكره من نسج الخيال ..
المرأة فى كل شىء مشاركانا ..
مش بتغيب عن العين لانها ساكنه جوانا ...
المرأة لازم نديها حقها ...
وعن دورها فى حياتنا لازم نبوس يدها ...
وهى السكن والموده لنا ..
دى مخلوقه من ضلعنا ...
حواء ليكى كل التقدير والتحيه ...
يلى من ربنا أنتى أغلى هديه ...
يلى فى حياتنا أجمل أغنيه ...
شكرا حواء ..
بقلـــــم: عــــــأدل الشــــــهـــابى
ساحة النقاش