مجلة عشـــاق الشعـــر الإلكترونية (ممدوح حنفي)
شقيه زى طفل جميل
جميله والجمال لونها
بتحكى معايا صبح وليل
واتوه من نظره فى عيونها
واقول فيها غنى ومواويل
كما ليلى ومجنونها
شقيه تحب ضحكتها
ولا عمرك تسكتها
ولا إهتمت ف يوم بهموم
ولا الاحزان دى سكتها
تقابل بالفرح اوجاع
وترسم ليها بسمتها
شقيه وإسمها محبوب
تنور للى ماشى دروب
قرينه للشمس فى ضيائها
بتجذب ليها أعتى قلوب
عنيها الحلوه .. شفايفها
رموشها عاشقها انا وبادوب
شقيه ف كل حركاتها
شقيه حتى فى سكاتها
شقيه ف حبها ليا
شقيه كمان ف لهفاتها
شقيه عشان كدا عشقى
لا سابها ف يوم ولا فاتها
شقيه وفيها انا دايب
ف عز شبابى وانا شايب
شقيه فيها مش هاخلص
ولا عنها انا تايب
شقيه البنت شاغلانى
وقالبه بحبها كيانى
لا انا قادر ابطل عشق
ولا بجنونها عاتقانى
ولا بجنونها عاتقانى
#قائديات
الشاعر /محمد حسين الزين
ساحة النقاش