مجلة عشاق الشعر الإلكترونية. .ممدوح حنفي
انا اللي عملي بالنظافه
من غير لا بدله ولا ايافه
شغلي انظف كل شيء
من غير لا وقت ولا مسافه
عمرى ماكل ولا اعانى
والستر عندى كل الامانى
بحب شغلي واحمد عليه
عمرى ما اشكى ولو ثوانى
لا طلبت شكر ولا وسام
عايش وراضي انا والمدام
بحمد لربي علي كل شيء
زوجه ورزق وولاد تمام
وولادى عندى كل مالي
نفسي يكونوا بمنصب عالي
صدمني كلمه من مسؤل
جرحني بيها انا وعيالي
قالوا عليه مسؤل العدل
لكن كلامه مفوش عدل
ظلم وبيه اهلي وولادى
كلام غريب مفهوش عقل
سامحنى يا ابنى قضيت عليك
وعملي اصبح اهانه ليك
عمرك وبيه ما هتبقي قاضي
لو حتى علم الدنيا فيك
عمرى ماكنت اظن يوم
شغلي يكونلي سبب في لوم
وابنى بسببه يوم يعانى
ويكون لي هو سبب هموم.
ساحة النقاش