مجلة عشـــاق الشعـــر الإلكترونية (ممدوح حنفي)
يا دنيا مالك
لولا خوفى من الله
واملى فى لقاه
لطوعت شيطانى
ولبيت نداه
وكفرت بوجودى
وفارقت الحياه
فى ايه يا دنيا مالك
بتمرمغينى ليه فى ترابك
وسايبه عليا كلابك
وكل ماالجألك قفله بابك
ومتربساه
يادنيا نفسي افهمك بس مش عارف
نفسى أعيش فيكى وانا مش خايف
يادنيا هو الفرح اتلغى ولا انا مش شايف
ولا انتى مخبياه
صحيح يادنيا ليكى العجب
لا نافع فيكى انحراف ولا ادب
وسايقه العوج ومعنده وركبه راسك
هو العيب فيكى ولا فى ناسك
ولا انا اللى مش فاهمك
وظلمك وظالم ناسك
طاب فهمينى انتى
فرقتى ليه بينى وبين حبيبتى
ورخصتى سعرى وقللتى قيمتى
وحو جتينى للى مايتأمنوش
وانتصارك مايكنش الا فى هزمتى
فهمينى
ليه حضنك الدافى مبقاش يدفينى
وبحرك الواسع مبقاش يروينى
وشمسك حرقت وشى
وقمرك مبقاش يطلع فى ليلى
فهمينى
ولا اقولك سيبك انتى واسمعينى
صبري من ايمانى ايمانى من دينى
يارب انت القوى ارحم ضعفى وقوى ايمانى
بقلم احمد منسى
ساحة النقاش