مجلة عشـــاق الشعـــر الإلكترونية (ممدوح حنفي)
فجاة فرمل القطر وراح مقلوب
ما فضلش الا انا وهى
و تالتنا المكتوب
طب فين الرحلة؟
اكيد ماتت
والا ضاعت فى الهيش
زى الحلم
اللى كان حاضنى
ما لقيتش منه الا الريش
طب على فين انتى رايحة؟
خليكى جنبى ما تمشيش
لكن سابتنى ومشيت
بس المكتوب ما سا بنيش
باتسند عليه
و يتسند عليا
وليل ياجى وليل يفوت
يرمى ف عنيه
دمع
وهو اللى يمسحه بايديه
و يقولى فوت
ما تبكيش
وخليك فاكر
ما دمت شاعر
طب ما تكتب شعر
الشعر هو اللى بيعيش
بعد ما الرحلة
تموت
الشاعر عبد الله الهوارى قنا قوص جرا جوس
ساحة النقاش