مجلة عشـــاق الشعـــر الإلكترونية (ممدوح حنفي)
سجال الرباعيات اللى دار النهاردة بينى وبين الفنان الكبير الحاج عبد الناصر أبو لبيب
هو
الفرح جانا من اسنا / والحب طالع ما نازل
فتحنا بوصولك هويسنا / ف القلب ليكم منازل
أنا
الفرحة بتحب إسنا / تجيكم لحاد المنازل
ناديها تقول لك خلصنا / بالحلف والله ما نازل
هو
الود منكم لمسناه / اسنا دى بلد الحبايب
فى العين جوه وضعناه / مدمن شفتكم متايب
أنا
بيت الكريم دا اتلمس ناه / اسنا بلد مش نهايب
شوفتكم دى مسك وضاع ناه / يا وجهك ده يا بن العرايب
هو
قالوا لنا العروبة دى فى اسنا كرامنا وواجبكم زيادة
ياغالين علينا ناس اسنا عرفنا بيكم زياده
أنا
طول العمر ما فـ يوم يئسنا / ما سيبناشى يوم الريادة
ومنينا دايما رئيسنا / خصومنا اللى تحت البيادة
هو
الفن احنا نسجناه / وسدناه فـ إسنا بنوالك
ورحنا لناسنا عرضناه / قالوا احنا اللى فضلة نوالك
أنا
خصمى بلدنا اللى ساجناه / قالت له مطرنا ونوى لك
الكل زاره فـ سجناه / قالوا له بلحنا ونوى لك
هو
الفن والقول ورثتوه / كل الكرم ختوا ليكم
ما رحتم لناس تانى بعتوه / حاجه مش غريبه عليكم
أنا
صلاتـى علـيـك يـا محـمـد / بتـمـلا البحـور والبـرارى
وعضـمـى أنـا باللحـم مــد / صلاتك لعـضـمى حـرارى
هو
لحبك انا روحي سلمت / وخلصت قولك ف جمله
صليت ع طه وسلمت / سيد الخلايق دى جمله
أنا
وسـلم إلهـى علـى الـزيــن / بِعـدّ الحـصـى والنـباتات
سـلامـى يخـلى الفـلا يـزن / وضـلـتـنـا م الفرح باتت
هو
صلاه النبى الزين / تملا السما والأراضى
طبعك ده من اصلك الزين / شاكر جمايلك وراضى
أنا
ولازم نـفـرح نـبـيـنـــا / وخـيـر الـورى هـو طـه
وقـولـنـا يـفـرحـنـا بيـنا / دى خـيـرات إلـهى عطاها
هو
من حبه انا عيني صليت / نزل مدمع العشق جمله
سلمت ثم صليت / ع سيد المخاليق جمله
أنا
تخـيــر ولا تفـعـل الشــر / وفى الخـيـر يا ما تلقى ياما
كلام النـبـى المـبـشــــر / شـفـيـعـنا عريس القيامة
هو
تفعل الخير تلاقيه / ويما شفنا يما
حبيبي محمد تلاقيه / شفنا يوم القيامه
أنا
ومن طلعـتـى ولـد شــدة / ودايـمـا أغـيـظ الأعادى
وشـغـلانـتـى كسـرة وشدة / وميـن اللى يـوقف قصادى
هو
بواونا حاربنا الأعادى / وقفنا حنكهم بكلمه
وأى علينا يبادي / بنعطيه من الفن صدمه
أنا
كلام إيـه يـا واد الراشــد ده / وقــولك على الكل بــادى
قلـيـل الخــوات الأشـــدا / يمـوت مـا يغيـظش أعادى
هو
الجرح عبى وما طابش / والقلب بيهيج بينا
تقول لى وح تسيبنى طابش / كارهنا انت ولا آبينا
أنا
أنا جـبـت خـيـر الممـالك / واهـو الحـل والربط بايدى
أهـدى فـ نفســى مـا مـالك / وح اقـول يـا أرض بـيدى
هو
القول والفن زرعناه / تقاويه وأرضه ف إسنا
ورحنا لناس تانى بعناه / عشانك تركنا هوسنا
أنا
تكلم ولا تـلـزم الصـمـت / كلام المـلك مـش وزيــره
شـديـد انـت يـا شجر السنط / لكن ضـلتـك مش غـزيرة
هو
فى القول والواو فنان / أنا الربط والحل بيدي
وجانى كدة السهم فنان / سحبته ودويته بإيدي
أنا
أنا كنـت شـايـف بلـدنـــا / بتــفرز ولادهــا فـصايل
وسـيـفـى مجـوهـر بلـدنة / يخـلى خـصـومـنا وصايل
هو
إنت اللى ليه تلزم السنط / يا شجرك مضلل علينا
زرعنا لبخنا مع السنط / الورد أصبح مالينا
أنا
تشرق تـغـرب ح اجـى لك / واقـرب لكل البـعـيـــدة
واخــطط أنــا لكل جـيـلك / ومـاضـيـنـا لازم نـعيده
هو
تقرب علينا أراضيك / الود ده طبع فينا
أحرث وأزرع أراضيك / حاجة مش كتيره علينا
أنا
ويا رب يـســر أمــورى / وفــرج أنــا مـن عبيدك
وتـأمـر لمـركـبـنـا سيرى / ويـا نـصـر يلا هات ايدك
هو
أركب معاكم و ح نسير / لو البحر هايم بريمو
برضو معاك انا اسير / فى القول ده إنت البريمو
أنا
هو
والله قولك يا ابو الخال نساني اهلي وناسي
بتغربل القول بغربال اجمل تحية وتماسي
أنا
وقلبى من الغرب للشرق / قلوعه دى ملياه جسارة /
/ باطلهم مالوشى غير الحرق / ح نحرق يمينه ويساره
هو
والله قوالك يا ابو العم / نساني أهلى وخلى
يا فنان يا اللى تزيل الغم أنا ارفع إيديا وأخلى
أنا
عدانى دى لابسة وخلخال / ما سيباشى لمبة وناسى /
/ ونستنى كل ولاد الخال / وخلتنى انا لعقلى ناسى
هو
القول ده منك يا فنان العقل أصبح ما راسى
شلناك فى العين وفنان والحب أصبح مراسى
أنا
يا عمى اللى يحكى معاك فاز / نجومه تروح العلالى /
/ ومدحك لقولى ده إنجاز / ح يفضل دواما فـ بالى
هو
ح يحكى معاك عم فواز أنا الحاج ناصر حكمكم
وليكم أنا صبحت منحاز وفى القول معاكم ح اكمكم
أنا
عجبنى فـ قولك رزانك / عيونك رزانة ما حايحين /
/ وقولك مطبب ميزانك / يا جاى لى لما الكل رايحين
هو
القول ده منك ميزانى / جميل فى كتابة المربع
أنا أجيب لى كرسى من الزان / وأقعد أمامك مربع
أنا
يا دنيا أقول لك تقول ليه / ردودك تقيلة ونشايف
لسانك ده لازمه التقل ليه / لنا الكل سامع وشايف
هو
يا ربى سامع وشايف / الحمل ع الكتف مايل
أرضى اللى صبحت نشايف / والجسر م المشى مايل
أنا
أرواحنا رخصت وهانت / تقل حملى دش الغرايب
أهو سلاحنا جاهز واهو النت / ح اطلّع بلاوى وغرايب
هو
أقولك وتسمع ما تحكيش / واهو الفن قالوا لى فـ اسنا
أنا صوتى يوصل جبل كيش / وإنت اللى صوتك ف إسنا
أنا
طبخنا اللحوم فى الملزات / ففرنك يا ستى ودفسنا
سكرنا بطعم الملذات / قتلنا البرودة بـ دفا اسنا
هو
الدنيا بتلف يا خلق / بتلف لف السواقى
والمر واصل لى للحلق / ما عادش للخير بواقى
أنا
خـصـمـك لسـانـه تـيلاتا / بحـرك مـوجـاتـو غزيرة
ندغـدغ عـضـامـو وحـيلاته / نكـسـر له دنـه و زيـره
هو
إنت اللى غالى علينا / وإنت اللى عالى مقامك
والله تطلب عنينا / طالع ما ينزل مقامك
أنا
ده أنا ولد ابوزيد ابو كحــيل / وأسـتاذ فـ لعب العصايــة
وطول عمرى قوى وشديد حـيل / ونفسـى يطيـع العصـاه يا
هو
تطلب بعمرى أنا اديك / دهب إنت موزون ف حساس
ولو راد ربى أنا جيك يا آصيل ويا كلك احساس
أنا
أصيل والله جدى وجديك / أيا ولد عمى سيد الناس
وزى ما ح تدى رح اديك / يا قنديل فى ليلنا يا وناس
هو
يا ابو قلب أخضر نجيلك / يا عمى انت يا اللى سيد الناس
وإن راد ربك نجيلك / قمرنا ياعالى ووناس
أنا
ده إنت السعادة ونجى لك / ويا رب تبعد لى خناس
/وإحنا اللى لازم نجى لك / ولو حتى ساكن فـ(مكناس)
هو
أنا يا اللى باعزف ربابة / دموعى نزلوا فى الحب جمله
يما ناس وعايشين غلابة / وخلصت قولى ف جملة
أنا
تعا اوزن مـعـايا الكلام زيـن / وقـبـل السـمـاد التــقاوى
بـدال رمـز هات لينا رمـزيـن / مع الخـصـم لازم تـقــاوى
هو
وراجل بيوقف على العود / وبيعبى يملا فـ صفايح
وإنت بتعزف على العود / مرارتى دى بقيت طفايح
أنا
ولازم نهيب على العود / نخلى مياهو طفايح /
وياما لأصولنا رح نعود / آدى المسك منيها فايح
ساحة النقاش