مجلة عشـــاق الشعـــر الإلكترونية (ممدوح حنفي)
واتفرقوا القلبين
ــــــــــــــــــــــــــــــــــ
يعنى خلاص بقيتى ذكرى وماضى فات ؟
يعنى الشعور اللى جمعنا فجـــــــأة مات ؟
يعنى الميعاد مابقاش ميعاد ؟؟
يعنى إحنــــــا دلوقتى بعاد ؟؟
إزاى ظلمنا نفسـنا
إزاى قدرنا نتباعد
إزاى نسينا حـــبنا
وكان قدرنا نتواعد
وادينا بعض ضهرنا
وقسينا فى لحظة عناد
ونسينا قصة حبنا
وذكراياتنا و الوداد
وكل واحد مننا خد له طريق
ساب الصديق إيد الصديق
قلنا الوداع كدا من سكات
قالت إدينا لبعضها بكل اللغات
يا ناس حرام
إحنا ماصدقنا نعيش لحظة غرام
لكننا ،كان الفراق بيشدنا
يحرمنا حتى م السلام
واتفرقوا القلبين قوام
من غير دموع
من غير كلام
#هشام_الدشناوى
#واتفرقوا_القلبين
ساحة النقاش