( مشكلتى)بقلم الشاعر : محمود ناصر

مجلة عشاق الشعر الإلكترونية. .ممدوح حنفي

عاده فيا ان انا

دايما صريح
الحق عندى صاغ سليم
وﻻهوش جريح
ﻻعندى مكر وﻻ خداع
وﻻ عمر قلبى مره باع
للحق كلمه وخد تمن
وعشان كدا طول الزمن
عايش وهو مسترييييييح
لكنى عندى مشكله
ان القلوب متشكله
مش كلها تحب الصراحه
بعض النفوس فيها مرض
وعشان ما توصل للغرض
كل اﻻمور دى مستباحه
لو زعلتها كلمتى
من غير ما تسمع حجتى
تاكل وتنهش جتتى
فى كل ساحه
عاوزنى دايما انحرف
واكدب وانافق وانجرف
انسى الحقايق والشرف
والزور يدوس فوق الصراحه
ودا ابدا ابدا لن يكون
انى يكون لى الف لون
كله ف سبيل مبدأ يهون
ولو عاوزنى زيكم
اعمل لقلبى كل يوم 

الفين جراحه