مجلة عشـــاق الشعـــر الإلكترونية (ممدوح حنفي)
المخطط
هنعيد تقسيم دول العالم
هنغير قوانين الكون
هندمر نسل البشريه
بمخطط مدروس معلوم
و هنجعل مالاخضر يابس
و يممها حينوح كالبوم
هنزيف حضارات الدنيا
بأن الهرم الاكبر مثلا تربه لحاكم يدعى شلوم
و ان اسكندر باشا الاكبر
كان نسونجى و سكرى و دون
هنشوه صوره انجازك
بأن اكتوبر كان ترتيب بين انور و مائير و شارون
و ان الثوره دى كانت فوضى
و نجيب اللوم عالمظلوم
هنضيع علمك و علومك
بالجهل و سوء المفهوم
و لما العلم هيظهر عندك
يحلفنا ييموت مقتول
و هنسرق منك ثرواتك
و نبدلها بصك ديون
و يضيع الحق من اصحابه
و الداين يصبح مديون
و هنشعل كل الصراعات
عقيده و عرق وجنس و لون
و مخططنا ناجح ناجح
لان الدنيا صحى النوم
لكن خوفنا من امه نايمه
تقدر تعوض اجيال فى يوم
تقدر تبدل ظلمات لنور
بأيمان و علم و تفتيح عقول
تقدر تقود تقدر تسود
برغم المخطط و ما يمكرون
حما الله مصر و العالم العربى و الاسلامى و العالم كله منه
الـــشـــاعـــر : أبـــراهـــيم الشاعر
ساحة النقاش