مجلة عشاق الشعر الإلكترونية. .ممدوح حنفي
بعد اللي قولته مفيش كلام تاني يتقال
عرفت خلاص حبك كان خيال في خيال
عشت هواك وانا موهوم
بس خلاص فوقت اليوم
أحسن أعيش عمري محروم
ولا إني اعيش على ده الحال
افتكرت ضحكة عينيك
غرام في قلبك ليا
اتاري ده طبع فيك
بالنسبةلك حاجه عاديه
عملت طيب عرفتني
خلتني أسيب الأوهام
انسى إنك يوم شوفتني
وانسى مني أي كلام
بجيب لنفسي أنا الجراح
ولقلبي الحيره تمللي
لو قلت المره دي سماح
يا قلبي إيه هتقوللي
ساحة النقاش