جارى التحميل
استخدم زر ESC أو رجوع للعودة
مجلة عشـــاق الشعـــر الإلكترونية (ممدوح حنفي)
¤(لفى يادنيا)¤
لفي يادنيا ودورى بينا
دا إحنا من الجراح بكينا
انتى راح ترضى عنا
ولا أنتى ناويه تعذبينا
العمر يادنيا عشته فى جرح
عذاب ومر مشفتش فرح
واللى وقفت معاه فى الفرح
متمرش فيه حبة ملح
شفت يادنيا جراح وملامه
ولسه برده هنشوف يامه
دبحونى زي ما أكون حمامه
خلاص يادنيا مع السلامه
كل واحد عامل قاضى
وصاحب نفوذ وقصور وأراضى
يغدر ويجرح وعن نفسه راضى
عايش ضايع ما هو أصله فاضى
نفسى يادنيا يوم تفتكرينى
كده كفايه ياما عذبتينى
إمتى يادنيا راح تراضينى
وتحلو فيكى أيامى وسنينى
غيري فى لسانى طعم المرار
خدينى للجنه بلاش للنار
ولو فكرت في يوم أختار
هكتب فيكى للظلم أشعار
¤¤¤¤¤¤¤¤¤¤¤¤¤¤¤¤¤¤
مبروك علوه
المصدر: مجلة عشـــاق الشعـــر الإلكترونية (مرفت طاهر)
(مجلة عشاق الشعر)(1)(ممدوح حنفي)
ساحة النقاش