مجلة عشـــاق الشعـــر الإلكترونية (ممدوح حنفي)

 

 


,,, يوم فى حياتى ,, شعر عامى حر ,,, بقلمى عبدالواحد محمد
طب طب على كتفى الولد ف الصبح بدرى
وقالى ألبس يابويه لبسك وياله نجرى
ساعه وفيها الرزق بيطرق الببان
بعد ما نمنا يابويه وجبت ساعه القيام
أصحى وصلى الصبح وأدعى وقول يارب
أعطينا كرمك وأمحى عنا كل الظلام
أرزقنى قوتى وقوت عيالى أرئف بحالى
أنا بدعو ليك يارب ديما تنصر عيالى
أشرح صدورهم نوربصرهم وشد أزر أم العيال
شقيانه تعبانه حمله الهموم ليل نهار
وقصدها معيشه حلوه ولقمه عال
وقفو العيال صف وطبور مستظرين الفطار
ولمه حلوه على الصنيه وكلنا فولنا الكهرمان
مع عيش طابونه عمى حسين البغبغان
راجل سأيل عمال يرط كتير الكلام
عامل فصيح فى كل شئ
كلام ف السياسه وف الزراعه وف المرض
بيوصف دواه لأم العيال
كأنه طبيب كاتب روشته ووصفه وورقه وفيها حبه
أشى قرنفل على زعفران
وكل عيل أخد نصيبه وشنطته وفيها كتابه
وعلى المدارس بدئو النهار
,,,,,,,,,,,,,,,,,,,,,,,,,,,,,,,,,,,,,,
وأنا والوليه رتبنا روحنا نروح زياره لأم ابراهيم
ست كريمه جاره عظيمه القلب طيب وكله خير
شايفن ولدها سافر وسابها عشر سنين
ولما عاد فالبيت سجنها فى أوضه راطبه
محجوب نورها والدمع ساكن العنين
والحزن زاره بعد الهنا ويامرها هتقول يامين
الأبن جاهد ناكر الجميل ناسى التعب ناسى الأنين
ناسى عذابها من بعد موت أبوه وهيه شايفه الكتير
كانت عامله ناصبه بتبيع فطير وشاى ست جدعه وربك معين
ودخلت وادها الحيله الجامعه وبجهدها أصبح حكيم
والواد ياساده بعد ده كله أنعم عليها ورد الجميل
كان كل مناها تشوف ضناها مره وحيده وبعدها تقابل كريم
وفالطريق بعد الزياره نزور كمان صاحب المقام
سيدنا الحسين ونجيب عطور وكام هديه للمحسنين
وف الطريق شافت عيونى أخونا بندق أبن الجيران
عمال يعاكس البت سومه ويقول كلام
خرج شعورى وروحت عليه وكام قلم وقع قوام
وقلت ليه دى بنت حارتك تعكسها ليه
قال وأنتى مالك يخصك أيه
محموق عليها تقربلك أيه
ولاهيه بنتك ولاهيه أختك ولامراتك
ولابنت أخوك ولاحماتك عاملى عنتر وضربت ليه
والله أغزك وأنهى حياتك وحاخد أيه
كل الحكايه عكست واحده وهيه ماشيه
تيجى وتضرب وده كله ليه
أنا من كسوفى لشيمت الرجال
وضياع حرتنا ومجدعت أيام زمان
كانت الولايه قصدى البنات تمشى بعفه
ولاهامها ماهى بين أخوتها ماشيه بأمان
اليوم خسارتنا الكبيره أن الأدب
أصبح مجرد من المعانى أصبح كلام
وف النهايه أخدت الوليه وروحت على بيتى الصغير
لميت عيالى وقلت ليهم من النهارده
لوشفت حد ماشى فطريق أوعى فمره ترمى السلام
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,
كلمات الشاعر
عبدالواحد محمد

المصدر: مجلة عشـــاق الشعـــر الإلكترونية ( هدى محمد)
mamdouhh

(مجلة عشاق الشعر)(1)(ممدوح حنفي)

  • Currently 0/5 Stars.
  • 1 2 3 4 5
0 تصويتات / 26 مشاهدة
نشرت فى 4 مايو 2015 بواسطة mamdouhh

ساحة النقاش

(مجلة عشاق الشعر)(1)(ممدوح حنفي)

mamdouhh
مجلة ألكترونية لكل عشاق الكلمه نلتقي لـ نرتقي »

تسجيل الدخول

ابحث

عدد زيارات الموقع

392,182