مجلة عشـــاق الشعـــر الإلكترونية (ممدوح حنفي)
رقصة المدبوح
ف ليلة ذكرى لوداعي
علي اوتار اوجاعي
برقص رقصة المدبوح
.............................
سهران وحيد مع دموعي
وقايد للذكرى انا شموعي
وشايل ألمي ف ضلوعي
وبتألم وكلي جروح
..........................
مليان قلبي ومش فاضي
بحزن الكون وانا راضي
ف ليلة ذكرى للماضي
الفرح فيها مش مسموح
...........................
تايه ف دنيا احزاني
مع ذكرى مآلماني
والفرحة مخصماني
ومش عارف لفين انا اروح
............................
مع ذكرى لكل احلامي
عايش وبأعد ايامي
بيمر العمر قدامي
وعايش بس حلاوة روح
..............................
ف ليلة ذكرى لوداعي
برقص رقصة المدبوح
.............................
بقلم سعيد العزازي
ساحة النقاش