مجلة عشـــاق الشعـــر الإلكترونية (ممدوح حنفي)
عصفور صغير
كلمات /محمد مفتاح
-----------------------------------------------------------------------------------عصفورصغيرعالشجر
قلبه انفطر
حلمه بسيط أنه يعيش
يطير يرفرف في السما
ينجي بنفسه من الخطر
حلمه بسيط لكن محال
لكن هيبقى بأي حال
يحلم بعشه عالشجر
حلمه بعش
يكون بقش
وريش وأوراق الشجر
كل الطيور طمعانه فيه
عصفور ضعيف وبإيده أيه
الكل دايماً جاي عليه
مش الطيور لوحدها
حتى البشر
صياد رصاصه عليه ضرب
عصفور وحاول الهرب
لكن خلاص
شظي الرصاص
سكن في قلبه اللي أنفطر
الدم سال
حلم الحياه أصبح محال
وأهو مات خلاص
لكن حكايته مانتهيت
صهد الرصاص وبدون خلاص
ولع في عشه عالشجر
صرخ بصوته بأعلى صوت
لكن صريخه كان سكوت
حرام عليكو خلاص بموت
قلب الطيور
لو حتى كان
قاسي صحيح
لكن أحن من قلب البشر
-----------------------------------------------------------------------------------
عصفور صغير
كلمات _محمد مفتاح
ساحة النقاش