((فلاح وأفتخر))بقلم الشاعر : مبروك علوه

مجلة عشاق الشعر الإلكترونية. .ممدوح حنفي

أنا فلاح وافتخر والطبع فيا أصيل

مع كل طلعة شمس أنشد وأقول مواويل

أروى عطشى كل صباح بماء النيل

بين الجناين أتغازل مع الورد والياسمين

ما بين الغيطان مع فاسى بقضى أنا يومى

أزرع وأحصد وفى الأرض أضيع همومى

لا بجيب فى سيرة فلان ولا سيرة علان
الطيبه فى طبعى مزروعه فيا من زمان
أصلى الضهر وأقعد وأفرد مسرتى
رغيف عيش مع جبنه قديمه وأكل لقمتى
وكوباية شاى على الراكيه تخلى دماغى تمام
وقت القياله تحت الشجره أمدد وأنام
وأريح نفسى من التعب وأبعد عن الزحام
والهوا يهفهف عليا وأغرق فى الأحلام
وآخر اليوم أروح بسرعه على بيتى
وأخد معايا كيلو فاكهه وعاوج طاقيتى
ألأقى مراتى طبخه على العشا بط وحمام
مع طبق شوربه سخن ورز من البرام
أكل واصلى العشا وعلى فرشتى أنام
مرتاح البال وسعيد وأبات مع الأحلام
وكل يوم على الحال ده مبسوط وعشتى تمام

ما أحلأها عيشة الفلاح واسمع تعظيم سلام