مجلة عشاق الشعر الإلكترونية. .ممدوح حنفي
وف صدر الكلام
بازرع حروفى
وتنبت معانى الحب
فى وشوش القمارة
وامسك سطور العشق
فى كل القوافى
تطرح غناوى المجروحين
بسمات أمل
وانتِ اللى واخدة العمر
متلجم بخوفى
قلبى عليكى ينوح
وأبراج الحمام
لا الشعر ينفع ويعدل المايل
ولا كتر نوح القلب
بيغير ...كلام
عشنا الليالى نداوى جرح
...سنين عجاف
ورسمنا بالصوت الطريق
للبر ...جايز
تقدر مراكب حبنا ..للشط توصل
وفردنا روحنا
ميت شراع
والريح تعاند ..
والموج يغرق حلمنا
فى بحور دموع
ولا يوم بنملك أمرنا
يا مـُـرِّنــا
يا ...قـَهــــرنا
يا لسعة الصبار
تمرر حلقنا
يا لسعة الكـُرباج
بتكسر حلمنا
إحنا الحبالى بالأمــل
وانتِ اللى كنتِ
شراع أمل
أجهضتى ..أحلام صبرنا
الله يسامحك ...أما انا
طمعان فى رحمة ربنا
ساحة النقاش